GEN Z

მილენიალი თანამშრომლების მოზიდვაზე, დაქირავებაზე, ადაპტაციასა და შენარჩუნებაზე უკვე ბევრი გიფიქრიათ, ბევრიც წაგიკითხავთ.

ბოლო ათწლეულის ყველაზე პოპულარული თემაც კი არის და
თუ ამ საქმეში ჩაბმული არ ყოფილხართ, მეორე მხარეს აუცილებლად იქნებოდით, მეორე მხარეს, ანუ როგორც რიგითი მილენიალი

სასურველი გუნდის წევრი და სასურველი თაობა, რომელთა კმაყოფილებისთვის ორგანიზაციებმა სამუშაო პროცესების რედიზიანი, ოფისების და სამუშაო გრაფიკების ცვლილება, ოფისებში მცენარეების რაოდენობის ზრდა და, თქვენ წარმოიდგინეთ, ყავის გემოს შერჩევაც კი დაიწყეს.

ბევრმა კომპანიამ, მათ შორის საქართველოში, ცდისა და შეცდომის, სხვების წარმატებული გამოცდილების გაზიარებისა თუ სხვის შეცდომებზე სწავლით მილენიალებისთვის საინტერესო გარემო და პლატფორმები შექმნა, სრულად მოარგო საკომუნიკაციო სტრატეგიები და ბევრ ტრადიციულ მიდგომაზეც კი თქვა უარი.

ალბათ გვახსოვს, მილენიალების სამუშაო ძალად გადაქცევის მომენტში სრულიად მოუმზადებელი იყო შრომის ბაზარი. მტკივნეული და ძვირადღირებული გადაწყვეტილებების მიღების შემდეგ, ორგანიზაციებმა მეტნაკლებად შეძლეს გამოწვევების დაძლევა. მიუხედავად ამ გამოცდილებისა, ახლა, როცა კვლავაც ახალი თაობის, ე.წ. gen Z-ის სამუშაო ძალად გადაქცევის ეტაპზე ვართ, თითქმის იგივე რეალობის წინაშე ვდგავართ, ეს რეალობა კი ასე გამოიყურება: მომზადების გარეშე ძველ გარემოში ახალი თაობის მიღება.

რამდენად არის GEN Z მზად იმუშაოს მილენიალებზე მორგებულ სამუშაო გარემოში? და საერთოდაც რა სურთ მათ?

თუ გუგლში სხვადასხვა წყაროს მიერ მითითებული თარიღების საშუალო არითმეტიკულს ავიღებთ და ვიკიპედიასაც დავეყრდონობით, 90 წლების ბოლოს, 1997 წლიდან 2012 წლამდე დაბადებულ თაობაზე ვსაუბრობთ.

ამ თაობის ალტერნატიულ დასახელებებში ყველაზე ხშირად დიჯიტალს და ინტერნეტს შევხდებით, რაც გასაკვირი სულაც არ არის, ეს პირველი თაობაა რომელსაც არ უცხოვრია სამყაროში, რომელშიც ინტერნეტი არ არის.

თუ ჟურნალ ეკონომისტს დავეყრდნობით, ეს განათლებული, კარგი მანერების, თუმცა, უფრო მეტად დასტრესილი და დეპრესიული თაობაა, ვიდრე წინამორბედები.

ღირებულებები მთავარი გასაღებია GEN Z-ისთვის, რაც მათთვის სამუშაო გარემოს მიმზიდველს და კომფორტულს ხდის. ბოლო კვლევებით მათთვის ინკლუზიური გარემო და მრავალფეროვნება გადამწყვეტად მნიშვნელოვანია, მთავარი შიშს კი დისკრიმინაცია წარმოადგენს.

ვაშინგტონის უნივერსიტეტმა 2021 წელს დაასრულა კვლევა და რამდენიმე საინტერესო მიგნება გამოქვეყნა, მიუხედავად სტრესისა და დეპრესიისკენ მიდრეკილებისა თაობა “ზეტი” ოპტიმისტია, მომავალზე საუბრისას, მხოლოდ 24% არის პესიმისტურად განწყობილი.

მთავარი საერთო კი, რაც მილენიალებთან აქვთ, ესაა პროკრასტინაციისკენ მიდრეკილება, რომელიც ამ თაობის 60% ახასიათებს.„ზეტისთვის“კარიერა მნიშვნელოვანია, არიან ამბიციურიები და მუდმივად ელიან აღიარებას სამუშაო გარემოში, მათ მიერ შეტანილი წვლილისგან გამოწვეული ცვლილებების შესახებ.

კრეატიულობა და ახალი ტექნიკური უნარები - ის ოქროს შესაძლებლობა, რომელიც ბიზნეს სამყარომ Gen Z-ის სახით მიიღო, უფრო და უფრო მეტი ლიდერი და კომპანია აღნიშნავს მათ გავლენას სამუშაო პროცესებში კრეატიულობის და ტექნიკური უნარების განვითარების შესახებ. გასაკვირიც არ უნდა იყოს, ამ თაობისთვის ტექნიკის ახალი შესაძლებლობები და მეცნიერული აღმოჩნები ყოველდღიურობას წარმოადგენს.

ჩემთვის გასაოცარი იყო იმის აღმოჩნება, რომ პანდემიის შემდეგ, „ზეტის“ 47% მზად არის სამუშაო გარემოში დასაბრუნებლად, განსხვავებით წინა თაობებისგან, რომელთა მხოლოდ 34% გამოხატავს ფიზიკურ სივრცეში მუშაობს მზაობას. რას მოასწავებს მათი ეს მოლოდინები და იქნება თუ არა მომავალში დისტანციური სამუშაოები ყველაზე მოთხოვნადი დრო გვაჩვენებს, მანამდე კი “ფორბსს” მოვიშველებ და რამდენიმე რჩევას გაგიზიარებთ, რომელიც ახალი თაობის სამუშაო გარემოში მისაღებად დაგეხმარებათ, კვლევების მიხედვით 2025 წლისთვის სამუშაო ძალის 27% თაობა “ზეტი” იქნება.

● ყოველთვის გქონდეთ პასუხი, თუ რა გავლენას მოახდენს მათი ინდივიდუალური წვლილი, მინიმუმ საერთო შედეგებზე. თუ, მისიაზე გავლენის შესახებ გექნებათ პასუხები, ეს მეტად დაეხმარება მათ ლოიალურობას და კმაყოფილებას.

● მზად იყავით კითხვებზე პასუხისთვის, რომელიც შეიძლება მკაცრიც კი იყოს თუმცა, ეს უკვე ახალი ნორმა იქნება.

● გაუგეთ და შთააგონეთ, ღირებულებების ერთგულ ადამიანებზე შთაგონება და ინსპირაცია ყველაზე კარგად მუშაობს.

● ქოუჩინგი თქვენი ლიდერობის სტილის განუყოფელი ნაწილი გახადეთ.

● კომუნიკაციის უნარების სწავლება კომპანიების მთავარი გამოწვევა იქნება, გააკეთეთ ინვესტიცია ამ უნარებში.

● მიეცით შესაძლებლობები, რომლებსაც ეძებენ და მუდმივად ამყოფეთ გამოწვევებში.

● გარდაქმენით მათი ცნობისმოყვარეობა განვითარების გზად.

● მიმართეთ მენტორინგს თაობების “გეფების” ამოსავსებად.

● არასოდეს დაგავიწყდეთ უკუკავშირი.

ამ ყველაფერთან ერთად თუ დაგაინტერესებთ, რა განასხვავებთ მილენიალებს ახალი თაობა “ზეტისგან”, მე გეტყვით, რომ მთავარი პრაგმატულობაა. იდელისტი მილენიალებისგან განსხვავებით, ისინი მეტად პრაგმატულები არიან, რაც სამუშაო გარემოში კარგ შესაძლებლობად შეიძლება იქცეს.

და ბოლოს, ეცადეთ იყოთ მათსავით ოპტიმისტი, ეძიეთ საერთო ღირებულებები და ამასთანავე, შეინარჩუნეთ მრავალფეროვნება სამუშაო გარემოში.